mainkaptal

Пользовательский поиск
  акчадан кыйылган өмүр

"Апам алдей алып келет деп уулум күтүп жүрөт..."
Ажал менен эмес, акча менен алышкан дарыгерлердин кайдыгерлиги, билимсиздиги жөнүндө гезиттин ар бир санында жазып келебиз. Тилекке каршы, жазылган фактылардан жыйынтык чыкпай келет. Гиппократтын антын акчага алмаштырган дарыгер (минтип атоого да ооз барбайт) аттуулардын кылганы жөнүндө Күмүшбек АЛМАНБЕТОВ айтып берсин. Ал Бишкектеги Ак-Өргө конушунда жашайт. 34 жаштагы жубайы Гүлназ төрөтканадан каза болгон.

Төрт уулдан кийин кыз күткөн элек…
- Жубайым Гүлназ экөөбүз 1998-жылы үйлөнгөнбүз. Ортобузда үч эркек бала бар. Гүлназ кош бойлуу болгондон баштап, төртүнчүсү кыз болот деп күтүп жүрдүк. Участкалык врачтын мөөнөтү боюнча Гүлназ 20-июлда төрөмөк. Үч эркек баламды да Бишкектеги №4 төрөтканада операция менен төрөгөн эле. Төртүнчүсү да жеңил болсун деп, ошол жактын врачтары менен алдын-ала сүйлөшүп, кайнимдин төрөтканада иштеген келинчеги Меруэрт тажрыйбалуу врач таап, баасын бычып койгонбуз. Операция жасап төрөткөн врачка 100 доллар, реанимация башчысына 1000 сом, наркозуна 1000 сом бересиңер деп айткан. Эки жума мурун операция жасай турган врач менен жолукканда, "өзүңдү жакшы сезип атсаң үйүңдө жүрө бер да, 20-июль күнү эртең менен саат сегизде ооруканага келгиле, биз операцияга даярдап алып киребиз" деп айткан. Келинчегимдин ден соолугу жакшы, көңүлү көтөрүңкү болгондуктан үйдө күтүп отура бердик. Бирок, Гүлназды операция жасай турган врачтын Ысык-Көлдө иниси каза болуп, ошол жакка кетип 22-июлга чейин күтө алабы деп сураптыр. Биз эмне демекпиз, Гүлназ өзүн жакшы сезип жүргөндүктөн, толготуп эле калбаса күтө туралы дедик. Бир күнү төрөтканада иштеген Меруэрт телефон чалып, мен башка врач менен сүйлөшүп койдум, 18-июлда ишемби күнү эртең мененки саат сегиздерге келсеңер болот деп айтты. 17-июль күнү Гүлназ кийимдерин даярдап, эртең төрөтканага жатам деп күтүп отурса, кайнимдин аялы Меруэрт кайра телефон чалып, "даяр болсоңуз бүгүн эле келе бериңиз, башка тажрыйбалуу врач менен сүйлөшүп койдум, ал 2000 сомго жасай берем дейт" деп чакырды. Врачтар өздөрү чакырып аткандан кийин аларга ишенип, даярданып төрөтканага бардык. Биздин артыбыздан туугандар да келишти. Жарым сааттын тегерегинде эле кыздуу болдуңуз деп сүйүнчүлөп чыгышты. Баян Тогузбаева деген врач жасаптыр. Алар Гүлназдын операциясы оор болду, бирок, өзүн жакшы сезип атат, баары жакшы дешти. Сүйлөшүлгөн сумманы врачтын колуна карматып, айтылган дары-дармекти сатып бердим. Андан тышкары 700 сомдон ашыгыраак акча операцияга сарпталды дешти. Ымыркайды да көргөзүштү, ал 4 килодон ашык төрөлүптүр. Биз үчүнчү кабатта турсак, "баары жакшы, камсанабай кете бергиле" дегенинен үйүбүзгө кетип калганбыз.

Табылбаган кан, күтпөгөн өлүм
Түнкү саат экилерде мага кайнежем телефон чалып, Гүлназдан кан көп кетип, абалы оор экенин айтты. Туугандар чогулуп, кайрадан төрөтканага барсак, врачтар ызы-чуу болуп, экинчи группадагы кан издеп атышыптыр. Бирөөбүздүн да каныбыз экинчи группа эмес экен. Тааныштарга телефон чалып, тез арада экинчи группадагы кан керек деп издеп калдык. Кан беребиз деп тааныш-достор тез эле келип калышты. Качан кан алат деп сагалап турсак, врачтар эмнегедир тынчып калышты. Биртоп убакыттан кийин такси менен төрөтканага бир аял келди. Кийинки күнү ошол аял реанимация бөлүмүнүн башчысы экенин билдик. Көрсө, Гүлназдын абалы оорлоп, бөлүм башчыны чакырышкан экен. Анын артынан дагы бир врач аял келди. Биз күтүп турдук. Таң атып калган кезде жакын туугандарды башкы врачтын орунбасарынын кабинетине киргизип, "Гүлназды сактай албай калдык" деп кабарлашты. Ошентип, 18-июлда Гүлназды жайына узаттык.

Даярдалбаган операцияга ким күнөөлүү?
Адамды операцияга алып кирердин алдында баары даяр болуш керек эле. Ошо учурда төрөткана боюнча экинчи группадагы кан жок экен. Булар акча табуу үчүн Гүлназдын канын да текшербестен операция жасашкан. Эгерде Гүлназ толготуп "тез жардам" менен барса, же биз тезирээк операция жасагыла деп шаштырсак анда бир жөн. Эч жери оорубай барган Гүлназды врачтар өлтүрүп колубузга карматты. Мындай операцияны жок дегенде эки-үч күн даярдап, бардыгын кылдат текшерип туруп жасаш керек экендигин медицина тармагында иштеген карындашым айтканда гана түшүндүм. Операцияга катышкан врачтар менен жолугушканда карындашым "бейтапты эмне үчүн үйүндө отурган жеринен чакыртып келип, операцияга мыйзамсыз кабыл алдыңар? Мындай операцияны башкы врач, бөлүм башчылар чогулуп текшерип, тиешелүү адис менен кеңешип жасаш керек болчу. Операциядан кийин кан керек болуп калышы мүмкүн деп ойлодуңарбы?" деп сураганда, врачтар баштарын шылкыйтып отуруп беришти.

Ымыркайды Дилназ атадык
Жаңы төрөлгөн кызыма Гүлназ жактырган Дилназ деген ысым бердик. Учурда карындаштарым багып атат. Балдарыбыздын улуусу Бекболот 11 жашта, Байболот 5 жашта, Нурболот үчкө чыкты. Чоң балдарым апасынын эмне болгонун түшүнүштү. Ал эми кичүүсү Нурболот "апам үйгө алдей алып келет" деп күтүп жүрөт. Өлүп калды деп айтканга ооз барбайт, апаң келет деп айтайын десем, ал күтөбү дейм.
Гүлназ экөөбүз бактылуу үй-бүлө курган элек, бизге баары суктанышчу. Эң өкүнүчтүүсү, аны шум ажалдан алып кала албадым. Үйдөн анын кийимдерин, сүрөттөрүн көргөндө ал сыртта эле жүргөндөй, азыр кирип келип калчудай сезиле берет…

Назгүл КАЛМАМБЕТОВА





 

Футбол
Эчтеке эмес, эсте болот...
Пекинде өткөн жолдоштук беттешүүдө курама командабыз Кытайга 0:3 эсебинде уттуруп жиберди. Бээжинди чапканга азырынча ал-кубатыбыз, чама-чаркыбыз жетишсиз болуп туру.
Иштин жарымы бүттү
АФК президентинин Кубогу үчүн таймашта биздин чемпион "Дордой-Динамо" 25-сентябрда "Ашгабад" (Түркмөнстан) менен беттешери белгилүү болду. Жарым финалдык оюн Тажикстандын Турсунзаде шаарында өтөт.
Экинчи жарым финалда "Регар-ТадАЗ" (Тажикстан) менен Пакистандын "Вапда" деген клубу 27-сентябрда беттешет.
Мини-футбол
2010-жылы өтө турган Азия биринчилигине иргеп алма оюндары ноябрь айында жүрүш алат. Биздин команда "Борбор жана Түштүк" зонасында Афганистан, Тажикстан, Түркмөнстан менен жолдомо талашат.
Биздин тайпадан бөлөк дагы алты тайпа бар. Ар бир тайпадан үчтөн команда финалдык бөлүккө чыгат. Иргеме оюндарга катышпастан финалга укук алгандар: Иран (Азия чемпиону), Таиланд (экинчи орун), Жапония (үчүнчү орун) жана Өзбекстан.
Оюндар Куала-Лумпурда (Малайзия) өтөт.

Грек-рим күрөшү
Коло жыттанат
Украинанын Мариуполь шаарында "Азовмаштын" кубогу үчүн эларалык турнир аяктады. Арсен Эралиев 55 кг салмак боюнча күмүш медалдуу болду. Руслан Түмөнбаев (50 кг) менен Азиз Бейшалиев (ушул эле салмакта) коло медалга татыктуу болушту.
Жеңил барып, оор кел
Кадеттер арасында өтүүчү Азия чемпионатына жаш балбандар Индияга жөнөп кетишти. Алар: Калыбек Жолчубеков (55 кг), Алексей Ялома (60 кг), Кожобек уулу Эсенгелди (66 кг), Салават уулу Темирлан (74 кг) жана Мурат Рамонов (120 кг чейин). Турнир 31-июлдан 5-августка чейин Пуна шаарында өтөт.

Эркин күрөш
Куркол келбе
Ал эми күрөштүн бул түрү боюнча ушул эле турнирге Шамшы уулу Иманбек, Аликбек Ташматов, Доктурбек уулу Элеман, Замирбек уулу Тилек, Нурбек Жаркынбаев деген жаш балбандар жөнөп кетишти.
Сууда сүзүү
Чалкалап калыптыр го
Римде өтүп аткан дүйнө биринчилигинде Анастасия Зуева (Россия) чалкасы менен сүзүү боюнча дүйнө рекордун жаңыртты. Он тогуз жашар суучул кыздын көрсөткүчү - 58,48 сек.
Медалдар боюнча эсеп-кысап төмөнкүчө:

Кытай - 21 медаль (7 алтын, 5 күмүш, 9 коло)
Россия - 13 (7-4-2)
Германия - 5 (4-1-0)
АКШ - 9 (2-6-1)
Австралия - 7 (2-3-2)
Италия - 7 (2-1-4)
Англия - 4 (2-1-1)

Бокс
Бербей калсын!
WBA жааты боюнча жеңил салмак чендеги чемпион Полес Мозес туулган жери Намибияда титулун сактап калыш үчүн жапон мушкери Такехиро Симаду менен ийгиликтүү мушташты. Натыйжада 119-108, 119-109, 118-110 эсеби менен жеңишке жетти.
Мексикада венесуэлалык Мигель Акоста тогузунчу раундда жергиликтүү Урбано Антильонду тоголото урду. Урду да, WBA жааты боюнча убактылуу чемпион наамын тартып алды.
Төлөгөн УРУМКАЛЫЕВ






кыргыз тилиндеги гезит "Агым"
email • архив • редакция 
31-июль, 2009-ж.:
1-бет
"Мечиттер турат көк чийип, Мектептер турат жөткүрүп"
2-бет
Ат жүрүшпү же "мат" жүрүшпү?
3-бет
Коомдук Ордо Кеңеши кайрылды
4-бет
Акыркы шанс ушинтип өлдү…бү?
5-бет
Бирөөнүн кризиси бирөөгө пайда
6-бет
Устаранын мизинде оодарылган замандын уюткусу
7-бет
Медреселер мектептерди басып өтөбү?
8-бет
Американын атом сырын Россияга (СССРге) кимдер саткан?
9-бет
Кыргыз кыргызга ишенбесе, кылымда да оңолбойбуз
10-бет
Машиненин көптүгүнөн кең дүйнө тарыйт
13-бет
Жетинин бири кыдыр же аптаптуу 60 жаш
14-бет
Акчага ачкөз окутуучулар, билимсиз адистер пайда болууда
15-бет
Нурдин ИБРАИМОВ:
"Кудай бар, ар кылганыңа жооп берчү күн келет дечү атам"

16-бет
"Жолдошум менен эч качан ажырашпайм…"
17-бет
Мамсанэпидемкөзөмөл: "Ден соолукта болуп, кубанычта баарлашыңыздар!"
18-бет
Араб эли кыргыз диндештерин унутпайт
19-бет
Издейм сени, арасынан элдердин...
20-бет
МИҢ ТҮРКҮН АДАМ
23-бет
Күйдүм чок
24-бет
Коомго ким көп коркунуч келтирүүдө?
25-бет
Сөзирмемдер
26-бет
"Апам алдей алып келет деп уулум күтүп жүрөт..."
27-бет
Агым-гейм
28-бет
Пейджер
29-бет
Апта астрологиясы
31-бет
Шоу маек
32-бет
Шоу винегрет
меню
Чакан бизнес кеңештер
Чүчбара өндүрүү ишкерчилиги
Глазирленген быштакчаларды (сырок) өндүрүү ишкерчилиги
Карапа өнөрканасын кантип ачуу керек жана андан кантип акча тапса болот?
Балмуздак өндүрүү боюнча ишкериликти ачуу
Үйлөнүү үлпөт тойлорун жана ар кандай майрамдарды аба шарлары менен кооздоо
Дүкөнчө, соода чатырчасын же күркөнү кантип ачуу керек?
Желим бөтөлкөлөрдү кайра иштетүү бизнеси
Кагаздарды кайра иштетүү бизнеси
Өзүңдүн маршруткаң, же Маршруттук такси бизнес үчүн
Кондитердик цехти кантип ачып киреше тапса болот?
Нан бышыргыч жай ачып кантип киреше тапса болот?
Курулуш цемент кирпичтерин өндүрүү боюнча бизнес
Азык-түлүк өндүрүшүндө жана коомдук тамактануу жайларындагы 5 бизнес- идеясы
Дизайнердик жашылчалар жана эт азыктары
Энергетикалык эмес суусундуктар
Аялдардын үйдөн сырт жасоочу бизнестерине идея
Үлпөт көйнөгүн тигүү ательеси, же аны ижарага берүү
Майга бышырылган тоголок токочтордун (пончик) өндүрүшүн кантип ачып, акча тапса болот?
Хот-дог сатуу бизнесин кантип ачуу керек?
Кездемелер дүкөнүн кантип ачып жана акча табуу керек?
Миллионго багытталган бизнес идеясын кантип ойлоп тапса болот?
Бизнести уюштуруу ыкмасы
Жыгач коттеждерди куруу перспективасы - чакан бизнестин идеясы
Каркас-модулдук технология:
Курулуш шаймандарын жана техникаларын ижарага берүү бизнеси
Кечки көйнөктөрдү жана карнавал костюмдарын ижарага берүү бизнеси
Мончо бизнеси: сауна жана мончолорду куру
Бүйүндү (рак) үй шартында өстүрүп, көбөйтүү менен бизнес ачуу
Жеке автотранспорттук компания бизнес катары
Салтанат-тойлорду уюштуруу бизнеси
Андан ары - азык-түлүк сатып алуу
Жеке кичи- майжувазды кантип ачууга болот?
Автокинотеатрды кантип ачуу керек: ачык асман алдындагы тасма
Жаңы Жылга тирүү балатыларды сатуу боюнча бизнес
Сыра бар-ресторанды кантип ачуу керек?
Мейманкана бизнеси, же кичи мейманканы кантип ачуу керек?
Акы төлөнчү балык уулоону уюштуру бизнеси
Дүйнөдөгү эң бир кирешелүү бизнес идеялар
Курал-жарак сатуучу дүкөндү кантип ачуу керек?
Жыл бою кулпунай өстүрүү бизнеси
Козу карын бизнеси: шампиньон козу карындарын өстүрүү
Жеке фотостудияны кантип ачуу керек?
Үйлөмө аттракциондордогу бизнес (батут)
Бала бакчаны кантип ачуу керек? (Кичи бакча)
Балдар кийиминин жана товарларынын дүкөнүн кантип ачуу керек?
Жалбырактарды чогултууну кантип бизнеске айландырса болот?
Оригиналдуу курулуш материалдарын өндүрүү боюнча бизнес
Курулуштардагы кошумча элементтерди өндүрүү бизнеси
Үй шартында жасалган тирүү квасты өндүрүү бизнеси
Даараткана кагазын жана кагаз аарчыгычтарды өндүрүү бизнеси
Эт бизнесин уюштуруу
Кичи бизнестин идеясы: суу аттракциондорун ижарага берүү
Мектеп окуучлуары жана студенттер үчүн портал
Заманбап гаджеттерди чакан колдонмо тескөө жана тейлөө - өркүндөгөндөрдүн бизнеси
Кум шоусу бизнес катары, кум аниматорлору канча акча табышат?
Чыгыш кошулмаларын жана даамдарын сатуу бизнеси
Кызыктуу жана оригиналдуу бизнес идеялар
Компьютердик сервисти кантип ачуу керек?
Тату салонун кантип ачып, акча табуу керек?
Окуу борборун кантип ачып, акча табу керек?
Батирлердин ичин оңдоо боюнча кичи бизнес
Дөңгөлөктүн үстүндөгү блинчик -кафесинякантип ачуу керек
Парфюм- косметикалык дүкөндү кантип ачуу керек?
Аттракциондор паркын ачуу ири бизнестин катарында
Уй этин өндүрүү боюнча бизнести кантип ачуу керек?
Жарнамалоо долбоорундагы бизнес
Чай бизнесинин өзгөчөлүгү
Жүргүнчүлөрдү ташуу тармагындагы өзгөчөлөнгөн 5 бизнес идея
Ченеми жок такси кызматы
Агробзнес чөйрөсүндөгү жети өндүрүштүн идеясы
Убакыт менен текшерилген бизнес- стартап- зоодүкөн ачуу
Дизайн, мектеп университеттин белгиси кадалган кийимдерди жасалгаларды сатуу
Сапаттуу шпаргалка жасоо бизнеси
Яндекс.Метрика