сиз билесизби?

Гректер сүйүүнү бир нече түргө бөлүшүптүр. Мисалы: сүйүү оюну, сүйүү достугу, сыйлоо, урматтоо, дене кумары жана башка ушу сыяктуу деп. Бул сүйүүнүн этаптарын аялзаты башынан өткөрөт. Бирок бул сезимдер аялдын башына бир маалда келбейт. Аялзатынын курагын шарттуу түрдө бешке бөлгөндө

Сүйүү жана аялдын курагы
Бул курактагы кыздардан көп нерсе талап кылынат. Мисалы, баардык сабакты жакшы окуп, өздөштүрүү, өзүн тартиптүү алып жүрүү, ар кандай ийримдерге катышуу, үлгүлүү болуу. Жыйынтыгында өспүрүм жалгыз болуп, аны эч ким түшүнбөгөндөй, өзүн эч кимге керексиздей сезип, жаман болот. Өзүнө окшогон теңтушту издейт, аны менен сырдашкысы келет. Ошентип, сырдаш болгон теңтушу экөөнүн ортосундагы достук мамилени - сүйүү деп кабылдашат. Бирок, сүйүү эмне экенин жакшы түшүнбөйт. Алар эч качан бири-бирин аял-күйөөсү катары элестетип, ойлоп да коюшпайт.

18-22 жаш. Сүйүү - кумар
Кыздардын жарымынан көбү сүйүүдөн башы айланып жүргөн кези болот. Алар кыялында алкынган тулпар минген ханзаданы күтүшөт. Бирок, турмушта дайыма эле мындай боло бербейт.

23-29 жаш. Өзүн сүйүү
Эгер кыздар бул куракта али турмушка чыга элек болсо көпчүлүгүнүн жан дүйнөсү өспүрүм курактагы секелектей кала берет. Таза, тунук сүйүү бар экенине ишенип, кыялдагы кишисин сабырдуулук менен күтүп жүрө берет. Ошол эле учурда өзүнө көп көңүл буруп, сырткы сулуулугун баалап, ошол сулуулугуна төп келген жигитти айланасынан издеп, тандай баштайт. Бирок, кыялындагы киши жолукпагандыктан ындыны өчүп, бара-бара турмушка чыккысы келбей да калат. Ал эми турмушка эрте чыгып алган кыздар кезиндеги ойноп, оюну канбай калган учурун кайрыгысы келет. "Мен бала багып отурганда, мен теңдүү кыздар окуусун окуп, каалаган жерлерди кыдырып, жигиттер менен жүрүп убактын кызыктуу өткөрүштү. А мен болсо эчтекени көргөн жокмун. Көп нерседен куру калдым", - деп өкүнүшөт. Кээ бир чечкиндүү аялдар: "Азыр да кеч эмес" деп, балдарын ата-энесине каратып коюп, иштеп, же окуусун улантат. Башка шаарларга кетет. Боюна карап, өзүн барктай баштайт.

30-40 жаш. Өкүнүү
Бул куракта аялзаты өзүн көп сындайт. "Жакшы мүмкүнчүлүк келгенде муну кармап калган жокмун, минтип койсом болмок, муну жасабай калдым" - деп өкүнө берет. Кээ бирлер жетпей калган максаттарына башка бирөөлөрдү кектейт. Ошол себептен ден соолугун да бузуп алгандар болот. Үй бүлөлүү аял никеде сүйүүсүн жоготуп алгандай сезет. Ажырашкан аял: "Мени эч ким сүйбөйт",- деп нааразыланса, күйөөгө такыр чыкпаган кара далы кыз: "Убактымды кое бердим. Тигиге же буга деле тийип алсам болмок. Көзүм каякты карап жүргөн?",- деп өкүнөт.

40 жаштан кийин. Токтоолук
Балдары бой жетип, өз турмуштарын куруп, бөлүнүп кеткен кез. Жанында өмүрлүк жары бар. Накта сүйүүнүн, өз ара сыйлашуунун баркын билет. Жалгыз калам деп коркпойт. Ажырашып кеткен аялдардын кээ бирлери көңүлдөш таап алышат же болбосо калган өмүрүн балдарына, неберелерине арнап, болгон тирилигине каниет кылып, өмүрүн тынч, бейгам өткөрөт.
Даярдаган
Гүлипа Ибраева