Айгүл ШАРШЕН

Өткөн өмүр барактары

Өткөн өмүр барактары

<<1 of 23>>

Салтанат таенесинин колунда өстү, Сайкал нарктуу, каада-салтты бекем кармаган аял, жалгыз небересине өзү билгенин үйрөтүп, оюндагысын аткарып чоңойтту, макал-лакаптатып сүйлөгөн сөзмөр, комуз, ооз комузга ойногон ырчы аял Салтанатка комуз үйрөтүп жашынан өзү менен ээрчитип тойлорго, конокторго ала жүрүп ырдатчу, мектепке баргандан баштап сабакты анча окуй албаганы менен кароолордо ырдап мектепти бүткөнчө сыйлык алып, биринчи, экинчи даражадагы дипломдорду алып жүрдү, чынында үнү коңгуроодой бийик дагы уккулуктуу эле, бирок бою узун, өңү анчалык эмес болсо дагы бой көтөрүп анча-мынчаны жанына жолотпой жүрүп мектепти бүткөн соң айылдык дом культурада иштеп калды. Областарга чейин ырдап барып, чакырыктар менен борборго чейин барып жүргөндө ошол айылдык жигит ала качып алды, кыргыздын ырым-жырымын туу туткан катын-калачтар ага ар кайсыны айтып жатып жоолук салып отургузуп коюшту. Таш түшкөн жеринде оор деп жашап калды. Бирок ал үйдө отуруп калган жок, райондорго чейин комузун колго алып ырдап жүргөндө комузда кол ойноткон жаш келин көз жаздымда калбады, райондун биринчи секретары аны имерип алууну ойлоду. Созолонтуп үнүн созсо бир-эки мүнөткө созуп солкулдаган жаш келин анын кучагын толтуруп, өзүнүн өткөн жаштыгын кайрадан кайрып бере тургандай бүт оюнун баары аны өзүнө имерүү эле. Ошентип Салтанат Бектур Конокбаевичтин сүйгөн селкисине айланды, аны райондук театрга алып келип алды, күйөөсү Нурбек карапайым жигит, аялынын эл алдында ырдап, күндөп-түндөп талаалап жүргөнү жакпаса дагы үй-бүлөөсүн сактап калууга тырышты. Бектур Конокбаевич ага жумуш таап берип райондогу баардык шарты бар үч бөлмөлүү үйгө киргизип койду. Жаман оюу жок Нурбек мунун баары Салтанаттын эмгеги деп ойлонуп билинбеген жылдар арасында эки кыздуу да болушту. Элдик театрдын күзгүсү болуп үнүн кубулжуткан Салтанат райондук сынакка катышып жеңип алды, ошол сынакта борбордон келген комузчу Курман Актанов Салтанаттын комуз ойногонун, ырдаганын көрүп чоң баа берди да борборго чакырды, бирок Бектур Конокбаевич аны кетиргиси келбеди, аны жашыруун жолугууга чакырып экөө бет маңдай отурушту.

<<1 of 23>>

🔥0
Click to add a comment
Айгүл ШАРШЕН

More in Айгүл ШАРШЕН

Кайталанган тагдыр

201913.01.2020

Сыноо

201913.01.2020

Түштөгү аян

201913.01.2020

Махабат азабы

201913.01.2020

Кең пейилдик бакыт

201913.01.2020

Табышмактуу тагдыр

201913.01.2020

Ынтымак

201913.01.2020

Коштошо албайм

201913.01.2020

Тирүүлүк шамы өчпөсүн

201913.01.2020

















Яндекс.Метрика




error: Content is protected !!