Чакан бизнес идеялар

Козу карын бизнеси: шампиньон козу карындарын өстүрүү

Козу карын бизнеси: шампиньон козу карындарын өстүрүү

Жеке бизнести уюштуруунун толтура варианттары бар, алардан туруктуу киреше алууга болот. Барган сайын улам көп кирешени алууну каалагандыктан ишкерлер алгач ишин жөнөкөй нерседен баштаса да, кийинчерээк көбүрөөк киреше алып келчү тармакка да кулач жайышат.
Өндүрүш эгер анын оң жана терс жактарын терең түшүнгөн, алдыга умтулган адамдын колуна тийгенде гана ийгиликке жетишет. Кээде алдын ала түзүлгөн пландар тоскоолдукка учурап, кирешеге келгенде ишкердин шаабайы сушу мүмкүн. Анткени, жашоодо баары биз ойлогондой сыдыргыга салынгандай түз кете бербейт да.


Бул макалада биз шампиньондорду өстүрүү менен кантип кирешелүү бизнеске ээ болуп, акча табууга болот деген суроого жооп издейбиз.
Бул бизнес башынан кылдат иликтенип, мыкты план түзүлсө, кирешенин туруктуу булагына айлана алат. Биринчи козу карындарды кантип өстүрүүгө болооруна токтололу. Анан сиз биз сунуштаган варианттардын кайсынысы көңүлүңүзгө жакса, карап көрөөрсүз.

Козу карындарды
жөөктөргө өстүрүү

АКШда козу карындарды жөөктөргө отургузуу кеңири колдонулат. Мында көп каражат коротулбайт, бирок ага жараша терс жактары да бар. Жөөктөрдү камкордукка алууга кол иши керектелет. Сапаттуу тазалоо менен дезинфекциялоо мүмкүн болбогондуктан, козу карынга тиешелүү оору жайылуу коркунучу бар, бул бир партия түшүмдү толугу менен жараксыз абалга кептелтет.

Шампиньондорду
текчелерге өстүрүү

Текчелерге өстүрмөй бул Голландия түзүмү. Өстүрүүнүн маңызы жөөктөргө өстүрүүгө эле окшош, бирок, бир аз талаптуу түрдө жасалат. Голландияда козу карындарды ушундай ыкма менен өстүрүү иштелип чыккан.
Бул ыкманын артыкчылыгы толук кандуу механизацияланган имараттын ичинде жасалат. Ага керектелчү жабдыктар арзан болбосо да, сиздин түшүмдү жок кылуучу микроорганизмден толугу менен сактайт.

Шампиньондорду
мүшөктөргө өстүрүү

Бул козу карындарды өстүрүүнүн кымбат эмес ыкмасы. Аны пайдалануу менен түшүмдү инфекциядан коргоп калуунун ишенимдүү жолун таба аласыз.
Кокус инфекция козу карында пайда болсо, ошол мүшөктү гана ыргытып салып, калган түшүмдү сактап каласыз. Мүшөктөр мына ушундай максатта колдонулат. Кемчилиги катары мүшөктөрдү топуракка толтуруу сыяктуу майда иштер кол менен салат. Андан да татаалы өсүп келаткан козу карындарга кошумча азыктандырууну кошууда кездешет.

Шампиньондорду контейнерлерде өстүрүү

Ар кандай зыяндуу заттардан сактоочу кошулмаларга толгон атайын контейнерлер абдан кымбатка сатылат. Бирок, өстүрүлүп аткан түшүмдү оорулардан коргоонун бирден бир натыйжалуу жолу. Бардык жараян толугу менен кол эмгегинен кутултат.

Шампиньондорду
акырга өстүрүү

Биздин убакта бул шампиньондорду өстүрүүнүн эң бир оптималдуу варианты. Акырларды оңой эле машине менен бир жерден экинчи жерге жеткирүү мүмкүн. Козу карындарды өстүрүү жараяны толугу менен механизацияланган. Аны менен катар кымбат да эмес.
Козу карындарды кайсы жерге өстүрүү боюнча жетиштүү маалымат бердик окшойт. Чечим бир гана сизден көз каранды. Козу карындарды өстүрүү ыкмасын бул жааттагы бир ишкердин басып өткөн жолун чагылдыруу менен түшүндүрөлү.
Ал өндүрүштү 1800 чарчы метр аянттагы бардык коммуникация менен жабдыкталган уйканага орнотууну чечкен. Имаратты толугу менен жылуулап, керектүү шаймандардын баарын койгон. Абанын алмашуусу жакшы болсун деп кубаттуу вентилятор да орноткон.
Топуракты уйлардын кыгына аралаштырып, ачык асман алдына жайган. Андан соң бардыгын стерилдеген. Топурактарды 10 000 пакетке ар бирине 15-20 кгдан бөлүштүрүп салып, жерге тизген.
Аларды үзгүлтүксүз суугары турган. Бирок, биринчи түшүм ишкердин көңүлүн чөгөргөн. Ал 15000 кг түшүм алам деп эсептеген, анын ордуна болгону 200 кг түшүм алынган.
Ишкер түшүм козу карынды уйдун кыгына, чоң аянтка өстүргөндөн жакшы болбой калды деп ойлогон. Анан ал ошол эле уйкана 100-150 метрлик акырларды орнотуп, ага тооктун кыгы аралашкан топурак таштаган. Бирок, мында да алынган түшүм ишкердин оюндагыдай болбоду. Эки жолу максатына жетпей калган ишкер адистерге кайрылууга аргасыз болгон.
Адис ийгиликсиздикке кабылткан бир нече себептерди тизмелеген:
1. Козу карындарды чаңча менен суугаруу керек эле.
2. Топурактын начар сапаты түшүмгө таасирин тийгизет, топурак сөзсүз сапаттуу болушу керек, же аны өзүң сапаттуу кылышың керек. Сапаттуу кылуу үчүн үрөн эгилген жерди тазалап туруучу аппарат коюулушу шарт.
3. Козу карындарды коюу өстүрүүгө арналган мицелийди ишенимдүү жеткирүүчүлөрдөн алуу керек болчу. Сапатсыз мицелий түшүмгө терс таасирин берет.
Козу карын өстүрүлгөн жер температуранын бардык режимин сактоого ыңгайлуу болсо, бул да ийгиликтин бачым келишине шарт түзөт, мындай жагдай козу карындар үчүн абдан маанилүү. Ар кандай зыянкечтер менен күрөш дайыма үзгүлтүксүз болуп турушу кажет. Мына ушул талаптардын баары аткарылганда гана сиздин түшүм туруктуу болот да, болжол менен топурактын өлчөмүнөн 20% түшүм алынат. Бул жакшы жыйынтык катары бааланат, кирешеси да сиз ойлогон чекке жетет.
Биздин ишин жаңы баштаган ишкер эки жылга жакын козу карынды өстүрүүнү эксперимент кылган. Бирок, ар бир жолу туруксуз жыйынтыктарга кабылган. Эки жылдан кийин гана бир топ кирешелүү тактиканы таап, козу карындарды өстүрүүнүн сырларын өздөштүргөн. Ошондон кийин гана бул ишти баштаар алдында пландаган кирешеге ээ боло баштаган.
Андыктан мындай бизнести баштап атып аны жолго салуунун бардык маселелерине токтолуңуз. Түшүмдү мол алууну кааласаңыз аны жөнгө салуучу бардык шарттарды сактаңыз. Адистер менен кеңешиңиз. Козу карындарды өстүрүүгө арналган кошулмаларды ишенимдүү жеткирүүчүлөрдөн сатып алыңыз. Бирок, ошондо да абдан көп кирешеге үмүт артпаңыз.
Балким, ылайыктуу аянтча таап, же андай аянтчаны өз колуңуз менен жасаганча көп убакыт өтөт. Биздин макала сизге жардам берет деген ишеничтебиз. Ийгилик жылоолосун!

🔥12
Чакан бизнес идеялар

More in Чакан бизнес идеялар

Кичи бизнестин идеясы: суу аттракциондорун ижарага берүү

201923.02.2020

Кум анимациясын үйрөтүү бизнеси

201923.02.2020

Курулуштардагы кошумча элементтерди өндүрүү бизнеси

201923.02.2020

Оригиналдуу курулуш материалдарын өндүрүү боюнча бизнес

201923.02.2020

Жалбырактарды чогултууну кантип бизнеске
айландырса болот?

201923.02.2020

Бала бакчаны кантип ачуу керек? (Кичи бакча)

201923.02.2020

Үйлөмө аттракциондордогу бизнес (батут)

201918.02.2020

Жеке фотостудияны кантип ачуу керек?

201918.02.2020

Жыл бою кулпунай өстүрүү бизнеси

201918.02.2020

















Яндекс.Метрика




error: Content is protected !!