Чакан бизнес идеялар

Үйлөмө аттракциондордогу бизнес (батут)

Үйлөмө аттракциондордогу бизнес (батут)

Үйлөмө аттракциондордогу бизнестин өзгөчөлүгү анын мезгилге баш иймелигинде турат. Андан тышкары баасынын арзандыгы жана ийкемдүүлүгү кетирген чыгымдарды аз убакытта кайрып берет.
Мындай көңүл ачууларды майдан октябрь айына чейин сунуштайт. Эгер сизде 100000 сом бар болсо, бул ишке оңой киришип, капиталды көбөйтүү мүмкүнчүлүгү бар. Анткени, ар бир күн орчундуу киреше алып келет.
Аптанын иш күндөрү киреше бир аз ылдыйлайт, анткени, жаш балдар бала бакчага, а ата-энелер жумушка кеткен учурда, чоң ата-чоң энеси, же башка туугандары менен үйүндө калган азганак балдар гана келбесе, дээрлик бош болосуз. Ал эми дем алыш күндөрү кирешенин өлчөмү жогорулайт. Майрам күндөрүн айтпай эле коелу, анткени, белгилүү даталарда адамдар үйүнөн таза абага чыгып, ар кандай оюн аянтчаларына, парктарга барып балдарын ойнотууну каалашат. Башкысы, сиз каражатты туура пайдаланып, оозуңузду ачкандан сак болуңуз. Ошондо гана жакшы киреше табасыз.
Алгач баалар менен такташып алыңыз. Батутта он беш мүнөт секирүү 50 сом. Ал эми майрам күндөрү секирүүнүн убактысын азайтып, баасын көбөйтөсүз.

Кызыктуусу буга эл нараазы болбойт, мындай чыгымга оңой барышат. Анткени, ата-эенелерде бардык жакшы нерсе балдарга деген ой калыптанган. Бул туура! Эки үйлөмө батутка катар ага окшогон жылгаяк да алып коюңуз. Жарнама иретинде шамалга эки жакка ийилип турган «аба адамынын» түспөлүн орнотуп койсоңуз да болот. Бул элди, айрыкча жаш балдарды кызыктырып, өзүнө тартат. Албетте, мындай жарнама кымбат турат, болжол менен баасы 20 миң сомдон ашык, бирок өзүн актайт. Баары оңой бекен?
ААК же Жеке Ишкер катары катталууну жана атаандаштар жана алардын продукциялары тууралуу да унутууга болбойт. Ишкердик бул түрү менен алектенсеңиз мамлекетке тапкан кирешеңиздин кандайдыр бир бөлүгүн берип турасыз. Бирок, эс алчу жагдай, мында салык көп эмес.
Батуттар көбүнчө кытай өндүрүшөнөн чыгарылат. Атамекендик аналогдор бир топ арзан. Бул тармактын ишкери болууну кааласаңыз көптөгөн маселелерди билип алыңыз керек. Баарынан биринчи материалдын салмагын билүү үйлөмө батут жасалган сатып алаардын алдында. Бул жерде алдын ала үйлөмө батуттун метериалынын салмагы чарчы метрине 650 граммга жетсе гана ал сапаттуу болоорун билип алыңыз.
Бул минималдуу салмак. Батут андан аз да салмакта болушу мүмкүн, бирок ал сапатсыздыкты айгинелейт. Андай батуттарды бир мезгил гана колдоно аласыз, дайыма жыртылган жерлерин жамоо менен гана убактыңыз өтөт. Кытайдын жасалма начар батуттары эмнеси менен айырмаланаарын жакшылап үйрөнүңүз.
Эгер сиз аттракциондун так ошол кытайда жасалганын алууну кааласаңыз, баасынан утушта болдум деп ойлобоңуз. Бажы өткөөлдөрү бааны абдан көтөрүп салышкандыктан, төлөм эсебин кошкондо андай арзан батут да атамекендик аналогдордой эле кымбат баага айланат.
Бул тууралуу ойлонуп, атамекендик сапаттуу товарды жакшы баада сатып алыңыз. Бул сизге аны бир нече мезгил колдонуп, ар дайым жаңы сатып алмайга кеткен каражатты үнөмдөөгө жол берет.
Кыскасы, батутту ишенимдүү өндүрүштөн сатып алыңыз. Балким, бул ишкерлик көөнүңүзгө тийсе кийин батутту сатканга туура келер. Сапаттуу буюмду колдонгондон кийин да, жетимдүү баада сатууга оңой чыгарасыз. Ал эми сапатсыз буюм колдонулгандан кийин сатылмак турсун, дароо таштандыга кетет.
Эми сиз бардык керектүүлөрдү сатып алдыңыз дейли, батут, жылгаяк, аба адамчасы ж.б. Андан кийинки кадам административдик кызматтар менен сүйлөшүп, аларды коюуга жер издөөгө багытталат. Ижарага алынган чарчы метр жер үчүн жергиликтүү бийликке ижара акысын төлөйсүз. Ал кандай баада болот сиздин сүйлөшүүңүзгө жана мамлекеттик кызматтардагы белгиленген чекке байланыштуу. Баса, «ижара» деген сөз бул жерде туура болбой калаарын да айта кетели.
Анткени, бул мамлекеттик жер болгондуктан, анын башкы ижарачысы парктын администрациясы. Сизге аттракционду орнотуу келишимин түзүү керектелет. Андан тышкары адамдар көп жүрүүчү жерди тандаңыз, айрыкча жаш балдар көп ойногон жер болсун. Ошондой эле автоунаалар келип-кетүүгө ыңгайлуу болгону да ашыкчалык кылбайт.

Бул иштин профессионалдарынын пикирине таянсак, үйлөмө батуттарды эс алуу парктарына орноштуруу туура. Бул жерде бир кызыктуу идеянын алкагында кадам жасаш керек. Батутту атаандаштардын аттракциондоруна катар орноштуруңуз, анткени, эл баласын батутка секиртүү үчүн алысыраак жерге басып баруудан эринишет. Аларга бардык аттракциондор жакын, катар жайгашканы ыңгайлуу. Сиз кардарлардын эсебинен киреше алып атканыңыздан кийин биринчи кезекте алардын кызыкчылыгын жогору коюшуңуз керек.
Аттракциондордун кошоктошкон жалпы жерине батуту орнотуунун дагы бир артыкчылыгы бар. Мында сиз жарнамага кетчү чыгымдан кутуласыз. Анткени, көп аттракциондор турган жердеги шаң өзү эле сизге жарнама болуп берет. Сиз алган жер таза жана тегиз болушу шарт. Негизинен бетон, асфальтталган же газон өстүрүлгөн аянт жарайт. Ар түрдүү коркунучтарды электркубаттуулугун жеткирүүчү линия, автоунаа жолу сыяктуу нерселерди алдын ала караңыз, болбосо тобокелчилик көп болушу ыктымал.
Батутту абдан бекем орнотуңуз. Болбосо катуу шамал учурунда оодарылып кетиши мүмкүн, бул ойноп аткан жаш балдардын колу-бутунун чыгып кетишине алып келет. Россияда мындай окуялар бир нече ирет катталган. Ал турмак бала өлүмүнө жеткен учурлар да бар.
Кирешени арбытуу үчүн ар кандай акцияларды өткөрүп, кардарларга жеңилдиктерди берип туруңуз, ошондо, айланаңызга туруктуу кардарлар топтолот.
Ийкемдүү маркетинг саясаты бул маселеде кирешени көбөйтөт. Эгер сиздин бизнес бир мезгилде өйдөгө карай жылса, кийинкиде ишкананы кеңейтүүнү ойлоно бериңиз. Дагы бир батут сатып алып, башка жерге орнотуңуз, кирешенин агымы сизди көпкө күттүрбөйт.

🔥1
Чакан бизнес идеялар

More in Чакан бизнес идеялар

Кичи бизнестин идеясы: суу аттракциондорун ижарага берүү

201923.02.2020

Кум анимациясын үйрөтүү бизнеси

201923.02.2020

Курулуштардагы кошумча элементтерди өндүрүү бизнеси

201923.02.2020

Оригиналдуу курулуш материалдарын өндүрүү боюнча бизнес

201923.02.2020

Жалбырактарды чогултууну кантип бизнеске
айландырса болот?

201923.02.2020

Бала бакчаны кантип ачуу керек? (Кичи бакча)

201923.02.2020

Жеке фотостудияны кантип ачуу керек?

201918.02.2020

Козу карын бизнеси: шампиньон козу карындарын өстүрүү

201918.02.2020

Жыл бою кулпунай өстүрүү бизнеси

201918.02.2020

















Яндекс.Метрика




error: Content is protected !!